Námskeið

Páskanámskeið 2026 í Keiluhöllinni

Á PáskaNámskeiði í Keiluhöllinni býðst krökkum á aldrinum 7–13 ára að taka þátt í skemmtilegu og fjölbreyttu námskeiði þar sem hreyfing, leikur og gleði fara saman. Markmiðið er að skapa jákvætt og uppbyggilegt umhverfi þar sem börn læra nýja færni, efla sjálfstraust og skemmta sér vel saman. 

Námskeiðið er dagana 30.mars til 1.apríl kl.10:00-13:00. 

Námskeiðslýsing

Á námskeiðinu læra þátttakendur undirstöðuatriðin í keilu á skemmtilegan og aðgengilegan hátt. Kennslan er blönduð leikjum og áskorunum svo að allir geti notið sín og upplifað árangur, óháð reynslu.

Auk keilunnar fara krakkarnir saman á skauta þar sem áhersla er lögð á hreyfigleði og samveru. Einnig fá þau að taka leik í Next Level gaming þar sem spennandi og skemmtileg upplifun bíður þeirra í stafrænum heimi undir öruggri umsjón leiðbeinenda. Þessi fjölbreytni gerir námskeiðið bæði lifandi og eftirminnilegt.

Í lokin er haldið keilumót þar sem allir fá tækifæri til að sýna hvað þau hafa lært og gæða sér svo á gómsætum pizzum frá Shake&Pizza. Allir fara svo heim með Páska-glaðning að námskeiði loknu.

Páskanámskeið Keiluhallarinnar er frábær leið til að nýta páskaleyfið á virkan og uppbyggilegan hátt.

Verð aðeins kr. 17.999.-

Allar almennar fyrirspurnir má senda á keiluhollin@keiluhollin.is

Skráning hér